الــتربية مابين القبول والرفض

بسم الله الرحمن الرحيم

جزء من الموضوع منقول من الفيس
للنقاش
#بعلمك_الشارع
الكلام ده يخص أولياء الامور
الأيامات دي مع المدارس في حاجات وبوادر ما كانت موجوده سببها واحد من اتنين يا إما في تقصير من باب إنو ما في زول بسأل ولدو أو ما متابعو او الأستاذ في المدرسه بعاين بعينو و ده حده داخل المدرسه فقط يدرس الحصص وبس . وما ليهو بي سلوكيات الطالب بعد الحصة . لانو لما يطلع الشارع بتشوف اشياء ما بترضيك من تلاميذ في سن إنت تحتار عرفو الكلام ده كيف . وألفاظ بذيئة كبيرة عليهم
اذا كمان اتكلمت معاهو انت بسمعك ما لا يرضيك وان ربنا داير يغضبها عليك مد يدك عليهو .. اول شي هو زاتو ما بحترمك ح يحاول يمد يدو .. وان مشيت شكيت في المدرسه كمان انا شخصيا رد الاستاذ كان ، البجيك من اهلو ما مربى نحنا نعمل شنو؟؟؟؟
او تجيك امو وطبعا ما بتغلط ولدها الصغير دا نهاااائي .
وهنا يا جماعة دور الاب مفروض يعمل شنو ؟؟! وهل هو علي علم باسلوب ولدو عامل كيف في الشارع ؟؟! وهل هو مدي المدرسة والاساتذه صلاحية انو يتعاملوا مع التلميذ بحسم؟؟! لانو في سابقه مع صديق انو مشى يجيب بتو الاتاخرت في المدرسه فسأل الاستاذه منها قالت ليه (يهديييييك) متشاكله مع رفيقتها. فمشي وحجزهم ورجع يسأل ليه يا استاذه ما ضربتيهم او منعتيهم ؟؟! ردها كان عشان تودوني الاسره والطفل ذي ناس فلان ديك
يا اخونا الأعوج ده يشكوهو لمنو؟؟
زول #معاني من الموضوع دا


اشار الكاتب لعده اجزاء فى تقديرى ولابد من سردها ومناقشتها كل على حدى
زكر الكاتب
التقصير فى التربيه
تحجيم دور الاستاذ
دور الشارع فى التربيه
اصرار الامهات وعدم تصحيح الخطاء
شرطه الاسره والطفل

هل الآباء مقصرين فى تربيه ابنائهم ام ماذا
الاستاذ اصبح دوره فى الحصه فقط
الشارع لادور له فى التربيه
شرطه الاسره والطفل خصما على التربيه والسلوك ام اضافه
كل هذه عنواين للنقاش

يقول مدير احد المدارس الثانوية...كعادتى توجهت للمدرسة ، وإذا بي أتفاجئ بكتابة وتشويهات بالبخاخ على السور الخارجي للمدرسة ،
وبعد التحري تم معرفة الفاعل
" طالب في الصف الثالث الثانوي"
تم التواصل مع ولي أمر الطالب
وبعد حضوره ومشاهدته للكتابة على سور المدرسة ومناقشة المشكلة معه،
فطلب - وبكل هدوء - حضور ابنه، وسمع اعترافه بهذا العمل.
فأخرج هاتفه واتصل على دهّان وطلب منه الحضور للمدرسة ، واتفق معه على إعادة دهان الجدار بنفس اللون ليعود أفضل مما كان..
ثم التفت لابنه وقال له - بكل هدوء - :
( يا ولدي إذا كنت لا تريد أن ترفع رأسي لا توطّيه)
ثم استأذن وانصرف ...
يقول المدير ...نظرت إلى الطالب و إذا هو واضع كفيه على وجهه ويبكى قائلا ليت أبى ضربنى ولم يقل لى هذا الكلام ..
وأنا ومستشار التربية في قمة الذهول من أسلوب هذا الوالد وأثر هذا الأسلوب على ولده،
اعتذر الطالب وأبدى ندمه على ما قام به، وبعدها أصبح من خيرة طلاب المدرسة ..
المربي الناجح هو من يستثمر " الخطأ والمشكلة "لتعديل وتقويم السلوك،
وقديماً قيل : " الخطأ طريق الصواب"
(العقاب ليس هدفاً)
انما الهدف علاج المشكلة والخروج بنتائج إيجابية
وليس بالضرورة أن تبدي غضبك وانتقامك من ابنك أمام الآخرين لكي تبرر لهم ما قام به ابنك أو أنك لست راضياً عن أخطائه...
المهم أن تصلح الخطأ الذي بدر عنه وتعتذر بأسلوب حضاري وراقي ولا علاقة للآخرين بتربيتك أو بأسلوبك في التربية