شعر حلمنتيشي

قوانين المنتدي

البند الأول: " قوانين التسجيل "
* التسجيل مفتوح لكل من يرغب الانضمام الي منتدي مقرن الاتبراوي علي أن يلتزم بقوانين المنتدي
* لايسمح التسجيل بأسماء مخالفة أو التسجيل بأسماء أعضاء موجودين مسبقاً وذلك …

[ قراءة كاملة ]

موضوع: شعر حلمنتيشي الجمعة فبراير 17, 2012 6:27 pm

تغُشيني وتقولي لي بحبك زين
وانا المسكين وانا المغوش وتاريك لاعبه علي الحبلين
يا غشاشه يا دجاله احبك سيف جديد وسنين
يقطع ليك ادياتك يكسر ليك كريعاتك
يخليك طير بلا جنحين
تطيري سنين وما تلمي بدل واحد تحبي اتنين
واظن عشره
نحن عندك ذي فستان كم طويل وكم قصير
واحد للبس بالليل واحد في الصباح تاتيل
احبك صرمه يا ضرمه واحشك بصله قاؤرمه
واسويك فته لطاشين
برضو تقول لي بحبك زين
وكل قطر رسالاتك تجيني مطر
حبيبي اللونك الاسمر
بلاك الدنيا ما بقدر
قطر يشيلك يوديك السما الاحمر
يشيلك زي هبوب طوكر
وانا الكان مناى نكون اتنين
نسكُن في قصر عابدين
وازور بيك لندن ديك يا السمحه واوديك فسحه لبرلين
لكن فورتي علي دمي
وكترتي علي همي
وانا البوراك نسيت امي
ونساك ربك
برضو تقولي بحبك زبن
احبك سيف جديد وسنين يقطع ليك ادياتك
يكسر ليك كريعاتك يمعط ليك شعيراتك
يخرب ليك لقائاتك يخليك شينه بين قوسين
طالب ربي يوم يبلاك بواحد يكون عنتر
عضلاتو حديد ادياتو متر
يطرشك كف يلفك لف يلخبط ليك وشك المبدول يخليك لا قرد لا زول

النصيحة ليك ياالله
الشباب لاعبين على الحبلين والبنات لاعبات على الحبلين
دى يحلها الشربكها
ماكل الناس كدى بس اغلبهم الا مارحم ربى
شكرا غفارى على القصيدة الدارشة الجنس اللطيف ماتشوف لينا واحدة تكون قالتها واحدة زولها لقيته لاعب على الحبلين برضو

مشكور غفاري علي القصيده الرائعه
العنف شنو ياغفاري سيف وقطيع يدين وكرعين

مغيوز منه ههههههههههههههههههههههههه